![]() Isla Melvin Calaguas | |
Heograpia | |
---|---|
Nagsasabtan | 14°27′N 122°55′E / 14.450°N 122.917°ENagsasabtan: 14°27′N 122°55′E / 14.450°N 122.917°E |
Kadenna a bagbagi ti danum | Baybay Filipinas |
Kangrunaan nga is-isla | |
Administrasion | |
Rehion | Rehion ti Bicol |
Probinsia | Camarines Norte |
Dagiti ili |
Ti Calaguas, ammo pay a kas Is-isla Calaguas, ket ti grupo dagiti isla a mabirukan iti probinsia ti Camarines Norte iti Filipinas. Daytoy ket mangiraman kadagiti nangruna nga isla ti Isla Tinaga ken Isla Guintinua, ti bassit nga Isla Maculabo,ken dagiti pay nadumaduma a babbabassit nga isla. Dagiti isla ket agarup a 200 km iti kaadayo manipud iti kapitolio a siudad ti Manila ken mabalin a maserrekan babaen dagiti puerto iti Daet, Camarines Norte.[1]
Kaaduan kadagiti isla ket adda iti administratibo a turay iti Vinzons, bayat a ti bassit nga isla ti Maculabo ket babaen ti turay ti ili ti Paracale. Iti kaudian, ti isla ti Tinaga nga ayan ti nasayaat nga ammo nga atiddog nga aplaya a tinawtawagan iti Mahabang Buhangin[2] ket makasansanay iti iyuumay dagiti adu a turista uray no awan dagiti pagdagusan.
Ti kaudian a kadayeg ti Isla Calaguas ket naikaiyeg kadagiti adu a turista ken dagiti agbanbanniaga, a naipangpangruna iti las-ud ti kalgaw. Daytoy ket nakadandanagan dagiti lokal nga agtataeng gapu ta ti iyaadu iti turismo ken ti panagrikep ken panagparang-ay manen iti Boracay idi 2018 ket mabalin a pakaiturongan ti pakaperdian ti kappia ken kinatalna ti isla.[3] Daytoy ti gapu no apay a ti lokal a gobierno ket nagpartuat iti maysa a programa a mangirebbeng iti sinoman a mangaywan iti Isla Calaguas. Ti panangimaton iti rugit ken trapiko ti banka ket dagiti kangrunaan a pakadanagan iti lokal a gobierno.[4]
Iti ganetget iti lokal a komunidad a mangsaluad ken mangsalaknib iti salun-at ti isla, dagiti dakkel ken bassit nga agpatpataray iti panagpassiar ket naaw-awisda a mangpreserba ti kinaulimek ken kinakappia a kasasaad ti Isla Calaguas. Kaaduan kadagiti bassit ken lokal nga agpatpataray iti panagpassiar a kas ti Calaguas Local ken dagiti sabali nga agpatpataray iti panagpasiar ket tultulonganda ti komunidad a mapan iti nasaysayaat a lokal nga ekoturismo iti isla.
© MMXXIII Rich X Search. We shall prevail. All rights reserved. Rich X Search